𝐀𝐒𝐀 𝐅𝐀𝐍𝐀𝐌𝐁𝐎𝐀𝐑𝐀𝐍𝐀 𝐍𝐘 𝐑𝐍𝟏𝟖 𝐕𝐀𝐍𝐆𝐀𝐈𝐍𝐃𝐑𝐀𝐍𝐎 𝐇𝐀𝐓𝐑𝐀𝐍𝐘 𝐁𝐄𝐅𝐎𝐓𝐀𝐊𝐀

𝐀𝐒𝐀 𝐅𝐀𝐍𝐀𝐌𝐁𝐎𝐀𝐑𝐀𝐍𝐀 𝐍𝐘 𝐑𝐍𝟏𝟖 / 𝐕𝐀𝐍𝐆𝐀𝐈𝐍𝐃𝐑𝐀𝐍𝐎 𝐇𝐀𝐓𝐑𝐀𝐍𝐘 𝐁𝐄𝐅𝐎𝐓𝐀𝐊𝐀 :

𝐒𝐀𝐑𝐎𝐓𝐈𝐍𝐘 𝐀𝐌𝐈𝐍’𝐍𝐘 𝐊𝐀𝐋𝐈𝐓𝐀𝐎𝐍’𝐍𝐘 𝐀𝐒𝐀 𝐍𝐘 𝐅𝐀𝐍𝐉𝐀𝐊𝐀𝐍𝐀

Miroso hatrany ny asa fanamboarana ny lalam-pirenena RN18 eo anelanelan’i Vangaindrano (PK 0+000) sy Befotaka (PK 136+000).

Manara-maso akaiky izany ny Minisiteran’ny Asa Vaventy, amin’ny alalan’ny Fitaleavam-paritry ny Asa Vaventy Atsimo Atsinanana, hijerena ny fandrosoan’ny asa sy hanomezana toromarika hentitra ho an’ny orinasa mpanatanteraka, mba hanafaingana ny asa sy hitazona hatrany ny kalitao takian’ny bokin’andraikitra.

Anisan’ny asa efa nahitana vokatra ny fanamboarana ireo ampahan-dalana tena ratsy, tamin’ny alalan’ny fitaovana voafantina sy fetambata, hatreo amin’ny PK 17+500.

Namboarina ihany koa ireo fotodrafitrasa toy ny lakan-drano sy “dalot” izay manampy amin’ny fifehezana ny fikorianan’ny rano, indrindra eo amin’ny PK 5+500.

Tombanana ho 15,93% ny asa vita amin’izao fotoana izao.

Tanjona amin’ity tetikasa, vatsian’ny Fitondram-panjakana Malagasy, ity ny hanamora sy hanatsara ny fitaterana sy ny fivezivezena ao amin’ny faritra Atsimo Atsinanana.

#MTP #MTPmiasahoanao #DRTPAtsimoAtsinanana #RNT18 #VangaindranoBefotaka