FANAMBOARAN-DALANA AN-TAMPON-TANANAN’I MAHAJANGA : Vita amin’ny ankapobeny ny asa, mahafa-po ny vokatra.

Taorian’ny dian’asa nataony namakivaky ny lalam-pirenena faha-efatra (RN4) omaly, dia ao Mahajanga ny Minisitry ny Asa Vaventy RAFIDISON Richard Théodore sy ireo ekipa teknika miaraka aminy, nijery ny asa fanamboaran-dalana ao an-tampon-tanàna.

5 volana taorian'ny Filan- kevitry ny Minisitra natao tao Mahajanga izay nankatoavana ny hanombohana ny fanamboarana dia vita amin’ny ankapobeny ary mahafa-po ny asa, hoy ny Minisitra.

Maherin’ny 10 km ny lalana namboarina, izay ahitana axes 7 lehibe:

Rue Serbie: Telma Mahajanga Be - Bureau Fokontany Mahajanga Be

Rue Georges V: Boulangerie Abad – Anjary Hôtel – Boa Majunga Be – Jardin Jean Ralaimongo - Kakal.

Rue Philibert Tsiranana: Ecole Saint Gabriel -Rond Point Bois Sacré - Hotel de Ville

Avenue des Comores: Bazar Mahabibo – Bricodis Marovato Abattoir

Rue Georges Ranaivoson: Bazar Marolaka – Jovena Aranta – Galana Manjarisoa

Boulevard Marcoz: Bord de la mer – Jardin d’Amour – Croisement Bloc – Ecole Saint Gabriel – FJKM Ziona Famonjena – Quincaillerie Concorde

Rue Henri Paul: BMOI Mahajanga Be – Leader Price – Bazar Be

Famatsiam-bolan’ny Fonds Routier no nanatanterahana ireo.

Namboarina ihany koa ny 𝗥𝗡𝟱𝟰, izay miainga avy eo tampon-tanàna mandalo Tsaramandroso sy Manapatanana, ary hatreny Amborovy.

Feno fankasitrahana ireo olom- boafidy sy manam-pahefana ao Mahajanga noho izao zava-bita izao.

Nambaran'izy ireo fa manaporofo ny fahavononan’ny fitondram-panjakana tarihin’ny Filoha Andry RAJOELINA hanatanteraka asa fampandrosoana mivaingana manerana ny Nosy izany.