Faritra VAKINANKARATRA sy MATSIATRA AMBONY : Mitohy ny asa fanamboarana.

Miroso am-pilaminana amin’izao fotoana izao ny asa fanamboaran-dalana amin’ny lalam-pirenena faha-7.

Ahitana tetikasa maro entina hanatsarana ny lalana sy hiantohana ny fivezivezen’ny fiara sy ny entana.

- Faritra Vakinankaratra :

- Asa ao anatin’ny tetikasa PDDR – Lot 03A sy 03B

- Ao amin’ny tanànan’Ambatolampy, mitohy ny fanesorana ny sosona taloha na "scarification" sy ny fametrahana sosona fototra vaovao, ao anatin' ny Lot 03A.

Eo am-panaovana "imprégnation" na fandrarahana ranona bitume manify amin’ny tapany sisa tsy vita amin’io làlana io ihany koa amin’izao fotoana izao.

-Ho an’ny Lot 03B, mitohy hatrany ihany koa ny "scarification".

- Ho an' ireo Asa vatsian’ny "Fonds Routier" kosa:

-Faritra PK 72–79 sy PK 110–116:

Tanterahan’ny SITEX BTP ny fanapariahana sosona ambony na ny "couche de roulement" eo anelanelan’ny PK 72 hatrany PK 79.

PK 79–94: Efa vita ny "scarification".

Ny asa tontosain' ny Orinasa MAGIC Phase 02 kosa:

-Eo am-panaovana ny "scarification" ny eo amin' ny PK 116–122

-PK 151–159 sy PK 165–172, mitohy ny fitaterana fitaovana ilaina amin’ny asa.

Ao anatin' ny Phase 01, indray :

-Hanomboka anio ny fametrahana ny sosona ambony , eo amin'ny PK 145–151,

-PK 172–202: Eo am-panaovana ny cantonnage, na ny fanadiovana sy fikojakojana manodidina ny lalambe.

- Faritra Matsiatra Ambony :

- Ho an'ny eo Ambalavao, eo amin’ny PK 311+000 ka hatrany amin’ny PK 360+000:

Efa vita tanteraka amin’izao fotoana izao ny fanaovana "traitement des nids de poule" na famenoana lavaka amin’ny arabe, ary efa tafiditra amin’ny dingana famerenana amin’ny laoniny ny ampahany hatrany amin’ny PK 326+000.

Ity asa ity dia tanterahin’ny Entreprise EHS, amin’ny alalan’ny tetibola RPI.

- Ny eo Ankilizato, eo amin’ny elanelana PK 72 ka hatrany PK 94, tontosain' ny SETEX BTP , amin’ny alalan’ny tetibola avy amin’ny "Fonds Routier", indray:

-Anisan’ny asa goavana tanterahina amin’izao fotoana izao ny fampiharana asfalta vaovao (mise en œuvre d’enrobé) amin’ireto faritra manaraka ireto:

-PK 75+900 ka hatrany PK 76+170 amin’ny lafiny ankavia,

-PK 75+650 ka hatrany PK 75+705 ankavia

-PK 75+673 ka hatrany PK 75+705 ankavanana

Tafiditra ao anatin’ny vina lehibe hanavaozana sy hanamafisana ny fotodrafitrasa fototra eto amin’ny firenena izao asa rehetra izao.