LALANA RN5 SOANIERANA-IVONGO-VAHIBE 75Km : Efa miroso tsikelikely ho any amin’ny « Bye Bye Bacs »

Miroso tsikelikely ny tetikasa fanoloana ny Bacs amin'ny làlana RN5 manomboka ao Soanierana-Ivongo mankany Vahibe.

Manamarika dingana lehibe amin’ny fanatsarana ny fifamoivoizana sy ny fotodrafitrasa izany, miaraka amin’ny fananganana tetezana vaovao hanoloana ireo bacs nampiasaina hatrizay.

Tetezana vita sy andalam-panamboarana

-Soanierana-Ivongo Ville: Travées 2 sisa no tsy vita amin’ny tetezana vaovao izay hanolo ny bac eo an-toerana.

- Fandrarazana: Efa vita tanteraka ny tetezana vaovao.

- Andrangazaha: Efa vita tanteraka ihany koa ny tetezana.

 - Agnové: Eo am-panamboarana amin’izao fotoana izao.

- Manambato: Efa manomboka ny fametrahana ny tetezana.

- Vahibe: Kasaina hanomboka ny fanamboarana alohan’ny faran’ny taona 2025.

𝑭𝒂𝒏𝒊𝒕𝒂𝒓𝒂𝒏𝒂 𝒉𝒐 𝒂𝒏𝒚 𝒂𝒎𝒊𝒏’𝒏𝒚 𝒇𝒂𝒓𝒊𝒕𝒓𝒂 𝒂𝒗𝒂𝒓𝒂𝒕𝒓𝒂

- Hetsika stratejika amin’ny fametrahana “Route du Soleil” no tanjona amin’ny fanatsarana ny RN5.

- Raha ny drafitra, efa vita ny études ho an’ny làlana 40 km Vahibe – Mananara, ary andrasana hanomboka amin'ny jona 2026 ny fanamboarana.

- Ho an’ny Mananara – Maroantsetra, kasaina hanomboka amin’ny taona 2026 ny fanadihadiana ara-teknika.