MANDROSO NY FANAMBOARANA NY SERANAN-TSAMBON’I MAHAJANGA

Nitsidika ny asa fanavaozana sy fanitarana ny seranan-tsambon’i Mahajanga koa androany ny Minisitry ny Asa Vaventy RAFIDISON Richard Théodore.

Asa lehibe izay natomboka tamin’ny fomba ofisialy ny 07 martsa 2025 teo, nandritra ny fitsidihana nataon’ny Filoham-pirenena Andry RAJOELINA.

5 volana aty aoriana, mandroso ny asa:

Efa manomboka ny fanorenana ny magazin lehibe izay hisahana ny fitahirizana entana.

Efa vonona sy voaomana ireo fitaovana rehetra ho an’ny fanalavana ny "quai" fiaingana sy fahatongavan’ny sambo.

Efa eo am-pananganana koa ireo trano fandraisana sy birao samihafa ho an’ny mpiasa sy ny fitantanana.

12 volana no haharetan’ny asa fanamboarana, izany hoe ho vita ny Febroary 2026.

“Tsy maintsy hajaina ny fe-potoana ” hoy ny Minisitra.

Toromarika hentitra no nomeny ho an’ny Orinasa mpanatanteraka sy ny mpanara-maso ny asa.

“Raha ilaina dia hiasa hatramin’ny alina mba hahatrarana ny tanjona,” hoy ihany izy.

Tanjon'izao asa izao ny:

Fampitomboana ny fahafahan’ny seranan-tsambo mandray sambo lehibe.

Fanatsarana ny fivoahan’ny entana sy fanondranana.

Fampidiram-bola ho an’ny faritra Boeny sy ho an’ny Fanjakana Malagasy.

Ny Orinasa CRBC no misahana mivantana ny asa. Ny Banky Iraisam-pirenena, amin’ny alalan’ny tetikasa CERC-PCMCI, no mamatsy vola.

Amin’ny alalan’ity tetikasa fanarenana ity, vinavinaina ho anisan’ny seranan-tsambo stratejika indrindra ety amin’ny morontsiraka andrefan’i Madagasikara i Mahajanga.