RNS13 Ambovombe – Fort-Dauphin : TONGA AMIN’NY DINGANA FARANY NY FANAMBOARANA

Efa tafiditra tanteraka ao an-tanànan’i Fort-Dauphin ny asa fandarahana goudron amin’ny lalam-pirenena faha-13 (RNS13), amin' ny ampahany mampitohy an’Ambovombe sy Fort-Dauphin.

Ny faran’ny herinandro lasa teo, dia efa teo amin’ny PK farany ny fandrarahana tara.

Manamarika ny fidirana amin’ny dingana famaranana amin’ity tetikasa goavana ity izany.

Ponts métalliques vitsivitsy sisa no hasiam-panamboarana ato anatin'ny 3 volana manaraka ka heverina ho amin' ny faramparan' ny volana Oktobra no ho vita tanteraka.

Ao anatin'izany ny Tetezana Ranopiso 100 m mahery.

Hitondra fivoarana lehibe sy dingana ara-tantara eo amin’ny fananganana fotodrafitrasa any amin’ny faritra atsimon’i Madagasikara ny hahavitan'ity Lalam-pirenena stratejika RNS13 ity.