TAHIRIM-BOLA HO AN’NY LALANA: FANOKAFANA NY FIHAONAM-BE ISAN-TAONAN’NY ASAFG

Nosokafana tamin’ny fomba ofisialy, androany alatsinainy 14 Avrily 2025, teto Ivato ny fihaonam-be isan-taonan’ny ASAFG na Groupe Focal de l’Afrique Australe, eo ambany fiahian’ny Ministeran’ny Asa Vaventy ary karakarain’ny Tahirim-bolan’ny Lalana eto Madagasikara.

Ny Minisitry ny Asa Vaventy, Atoa RAFIDISON Richard Théodore, no nanokatra tamin’ny fomba ofisialy ity hetsika ity, izay nanaovany antso avo amin’ny fiaraha-miasa sy ny fizarana traik'efa eo amin’ireo firenena mpikambana. Nambarany fa “ilaina ny famolavolana politika sahy sy fahaiza-miara-miasa mba hiatrehana ny fanamby entin’ny fiara mandeha amin’ny herinaratra sy ny fandrosoana ara-teknolojia amin’ny fikojakojana lalana”.

Mivory eto an-toerana ireo solontenan’ny firenena valo avy amin’ny SADC manodidina ny lohahevitra hoe “Ny hoavin’ny fikojakojana ny lalana amin’ny alalan’ny teknolojia vaovao sy ny fiara mandeha amin’ny herinaratra”.

Amin’izao fandraisana izao, mampiseho indray Madagasikara fa vonona handray anjara mavitrika amin’ny fanavaozana sy fiaraha-miasa aty amin’ny faritra, indrindra amin’ny sehatry ny fitaterana maharitra.

Mandritra ny telo andro, hifanakalo hevitra sy traik'efa ireo solontena mikasika ny fanamby ara-teknika, ara-bola ary ara-tontolo iainana amin’ny fikojakojana lalana, indrindra eo anatrehan’ny fiovàna ara-angovo.

Hojerena manokana ny fampidirana teknolojia manan-tsaina sy ny fiara mandeha amin’ny herinaratra ho ao anatin’ny paikady fikojakojana.

Manamafy ny finiavany ny Fitondram-panjakana Malagasy amin’ny fananganana vahaolana maharitra ary mampiroborobo ny fiaraha-miasa amin’ireo tahirim-bolan’ny lalana aty Afrika.

---------------------------------------------------------------------------------------

𝐑𝐎𝐀𝐃 𝐅𝐔𝐍𝐃 :

𝐎𝐏𝐄𝐍𝐈𝐍𝐆 𝐎𝐅 𝐓𝐇𝐄 𝐀𝐍𝐍𝐔𝐀𝐋 𝐀𝐒𝐀𝐅𝐆 𝐌𝐄𝐄𝐓𝐈𝐍𝐆

The annual meeting of the ASAFG (Southern Africa Focal Group) was officially opened today, Monday, April 14, 2025, in Ivato. The event is organized by the Road Fund of Madagascar under the auspices of the Ministry of Public Works.

The Minister of Public Works, Mr. RAFIDISON Richard Théodore , officially inaugurated the meeting and called for strengthened collaboration and knowledge-sharing among member countries. He stated that “bold policy-making and strong cooperation are essential to address the challenges brought by electric vehicles and technological advancements in road maintenance.”

Representatives from eight SADC member countries are gathered in Madagascar for this event, which centers on the theme: “The Future of Road Maintenance through New Technologies and Electric Vehicles.”

By hosting this meeting, Madagascar reaffirms its commitment to actively contributing to innovation and regional cooperation, particularly in the field of sustainable transport.

During the three-day meeting, participants will engage in discussions and exchange experiences on the technical, financial, and environmental challenges of road maintenance, especially in light of the energy transition. Special attention will be given to the integration of smart technologies and the incorporation of electric vehicles into road maintenance strategies

This initiative highlights the Malagasy Government’s determination to develop sustainable solutions and to promote cooperation with road funds across Africa.

#MTP #FondsRoutier #ASAFG2025 #SADC