VOIE RAPIDE IVATO : Misokatra tamin’ny fomba ofisialy androany ny ampahany : Rond Point Don Bosco hatreo amin’ny Rond Point Andranotapahana.

Efa afaka ampiasain’ny besinimaro manomboka androany Alatsinainy 11 aogositra ny ampahan-dalana 4km amin’ny Voie Rapide, manomboka eo amin’ny 𝗥𝗼𝗻𝗱-𝗽𝗼𝗶𝗻𝘁 𝗜𝘃𝗮𝘁𝗼 𝗗𝗼𝗻 𝗕𝗼𝘀𝗰𝗼 𝗸𝗮 𝗵𝗮𝘁𝗿𝗲𝗻𝘆 𝗮𝗺𝗶𝗻' 𝗻𝘆 𝗥𝗼𝗻𝗱-𝗽𝗼𝗶𝗻𝘁 𝗔𝗻𝗱𝗿𝗮𝗻𝗼𝘁𝗮𝗽𝗮𝗵𝗮𝗻𝗮.

Mifandray avy hatrany amin'ny Rn4 sy ny Route de la Francophonie Ambohitrimanjaka mitohy hatreny Andohatapenaka, ity lalana ity.

Lalana malalaka manana sakany 12 metatra : arabe ho an' ny fiara ny 7 metatra, ary misy lalana manokana ho an’ny mpandeha an-tongotra koa amin' ny sisiny.

Dingana iray lehibe amin’ny fanatsarana ny fifamoivoizana izao fisokafana izao, hahafahana manamaivana ny fitohanan'ny fiara, indrindra amin’ny fotoana fidirana sy fivoahana eny amin’ny seranam-piaramanidina iraisam-pirenena Ivato, hoy ny Minisitry ny Asa Vaventy 𝐑𝐀𝐅𝐈𝐃𝐈𝐒𝐎𝐍 𝐑𝐢𝐜𝐡𝐚𝐫𝐝 𝐓𝐡𝐞́𝐨𝐝𝐨𝐫𝐞.

Ny fiaraha-miasan’ny Governemanta Malagasy sy ny Eximbank Chine no nenti- nanana.

Ny orinasa CRBC no nanatanteraka ny asa fanorenana.

Tonga nanokatra tamin’ny fomba ofisialy ity ampahan-dalana ity koa ny 𝐀𝐦𝐛𝐚𝐬𝐚𝐝𝐚𝐨𝐫𝐨𝐧’𝐢 𝐂𝐡𝐢𝐧𝐞 𝐞𝐭𝐨 𝐌𝐚𝐝𝐚𝐠𝐚𝐬𝐢𝐤𝐚𝐫𝐚 𝐒𝐄𝐌 𝐉𝐢 𝐏𝐈𝐍𝐆, ho mariky ny fiaraha-miasa maharitra sy ny fanohanana mitohy amin’ny sehatra fotodrafitr'asa.